【低成本DIY】自製家居好物﹕收納箱、吸濕器、驅蚊袋……仲有更多!

收納工具唔一定要買,平時愛DIY嘅大家可以將資源回收再用,循環再用家居廢物,減少地球的負擔,慳錢之餘又可以一家大細動手DIY,從小灌輸小朋友環保概念。

文件收納盒

紙箱總係逃唔過比人掉棄嘅命運,其實佢好有用途!只需花點心機、花些時間,就可以化腐朽為神奇!大家準備一個A4大小比較扁平嘅紙箱,取一角打斜切掉就可以當文件收納盒咁用,簡單之餘又實用。

影片來源:YouTube 頻道 Happy to Life

如果大家想外型更美觀,可以用花紙或者膠帶裝飾一下,製成品同出面買嘅仲無咩分別添!

收納盒

買完新鞋,鞋盒唔好掉!鞋盒物料比較堅固,而且大小適中,可塑性好高,今次就等小編教大家用鞋盒整收納盒。

準備鞋盒 2個、紙皮、布料 2塊(按鞋盒長度而訂),先將盒蓋同鞋盒分離,剪掉盒蓋邊緣,選擇自己喜歡的布料,外盒與布料用雙面膠粘合,外盒設計基本上就大功告成;至於盒內間隔,大家可用紙皮做成內隔板,數量及大小按自己需要而定。

吸濕器

香港天氣潮濕,牆身容易發霉,衣物都容易有陣UP味。除咗用抽濕機或者開冷氣之外,其實有唔少天然方法都好有效,環保之餘又慳錢!

最簡單就係用梳打粉或者洗衣粉,倒進器皿至半滿,然後蓋上紗布,放在家中。當梳打粉或洗衣粉結塊,就表示係時候要更換啦。

食完橙嘅橙皮都好有用架,先將橙皮剪成條狀,橙皮曬乾或風乾,摸落觸感乾爽及脆身就可以,再將橙皮放入網袋、絲襪或紗布袋,然後封好再放入需要吸濕的地方就得啦!當橙皮的觸感就會變得柔軟或者開始發霉的話,就係時候要換。

Image Source: static.stheadline.com/stheadline/news_res/2017/02/09/39984/i_src_714273359.jpg

驅蚊袋

又到夏天,蚊蟲大軍開始出沒啦!唔想半夜比蚊咬到痕醒,大家要準備防蚊措施!市面上一般嘅蚊防蚊用品含有派卡瑞丁或者避蚊胺等成分,有機會引致皮膚過敏嘅反應,所以大家可自製天然驅蚊袋。今次回收再用嘅主角就係煲完湯就掉嘅魚袋!

Image Source: ss2.baidu.com/6ONYsjip0QIZ8tyhnq/it/u=3549643757,2188398686&fm=173&s=8822DF14178267E5519CED480300E0E3&w=640&h=446&img.JPEG

只需去藥房購買銀花、荊介、白芷、紫蘇葉、藿香、香茅、丁香、艾葉、石菖蒲,每樣藥材各5克,把所有材料搗碎,讓其散發出更濃的香味,然後將所有材料放入袋子就可以,建議每隔4-6星期更換一次,以保持最佳效果。

捕蚊器

想防蚊滅蚊雙管齊下,大家可以試下整捕蚊器,放一兩個喺窗邊,將所有蚊都「捉」起來!今次用到嘅主要材料有水樽、糖同埋酵母。先用鎅刀在膠樽的前三分一的位置切割,裁剪下來;在底部的膠樽中,倒入200ml溫水,放入1克酵母粉,將上半部分水樽,用黑色膠帶包起來。用黑膠帶包著,因為要利用蚊子趨光的特性,避免蚊子由瓶口飛出來。將上半的膠樽朝下(瓶口向下),放在下半部分膠樽中,然後交接處用黑色膠帶黏起,咁就完成啦!

希望大家喜歡今次嘅DIY教學!大家記著follow城市迷你倉Facebook Page同埋Blog,我地會分享更多最新優惠同埋家居資訊!如果大家需要額外的貯物空間,歡迎搵城市迷你倉幫手!

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $1,000 運輸!轉倉啦!
+
WhatsApp chat