【入伙攻略】清潔要點你要知!

新屋裝修後或多或少都會有點骯髒,而且或會散發著難聞的甲醛氣味,想住得舒適,當然要徹底清潔!唔想花錢請清潔公司或者鐘點工人,大家可以親力親為,小編整合咗入伙清潔要點,唔洗擔心清潔時無從入手!

各種去漬方法

裝修完污漬隨處可見,瓷磚、木地板、窗台到處都有。面對唔同污漬,大家要對「漬」下藥,所需嘅工具都唔同!大家清潔時亦會接觸到化學成分,建議戴上鞋套、口罩及手套。

Image from: www.rainbow-house.com.tw/wp-content/themes/twentysixteen/img/header-diy.jpg
  • 油漆﹕
  • 用蘸有溫肥皂水的布擦拭污漬。如果污漬較為嚴重的話,用1湯匙草酸和0.5升水混合成溶液,然後用布蘸取溶液後擦拭污漬。如果遇到又厚又頑固嘅污漬,大家可用刀片輕輕刮走表層污漬,再根據性質選擇合適的去污工具。
  • 水泥漬:
  • 如果污漬較為輕微的話,可用醋或水砂紙輕輕擦除;如果污漬較為嚴重的話,可到五金舖購買瓷磚清潔劑。不過使用上要非常小心,需要加水稀釋,再用刮刀輕輕剷起瓷磚面的水泥。
  • 玻璃膠﹕
  • 如果玻璃膠已經固化,可以用刀片輕輕刮去,小心唔好刮花玻璃;如果效果唔明顯,可到五金舖購買天拿水或汽油,以溶解玻璃膠。
  • 牆身污漬:
  • 一般漂白水都可以清洗牆上污漬,但需要加水稀釋,完成去漬過程要即時用清水擦去。如果污漬是從牆紙底滲現,好可能係因為由霉菌或牆灰底受感染而成。要去除呢類污漬,唯一可行嘅方法就係撕去牆紙,重新處理牆壁。
  • 玻璃水漬:
  • 可用舊報紙擦,紙上嘅油墨可以令玻璃光亮,仲可以將頑固污垢一齊抹走。 
去除甲醛味

單位剛剛裝修完都會有陣揮之不去嘅甲醛味,如果吸入過多會影響健康,家中有孕婦及小孩的話,就要加倍注意。

Image source: mall.builderhood.com/pub/media/wysiwyg/Blog/paint.jpg
  • 開窗通風﹕有效將裝修帶來的有毒氣體驅散,避免對人體的危害。
  • 空氣清新機﹕市面上有唔少都標榜有去除甲醛功能,可選潔淨空氣輸出比率較高的款式,淨化功能更佳。
  • 活性炭﹕能於短時間吸附和分解甲醛,但同時活性炭會飽和,需要定時更換。
進行滅蟲處理

如果新屋多木製家具或者位處於郊區,蚊蟲特別多,萬一遇到木蝨或白蟻就手尾長所以想根源防止蟲患,建議裝修後入伙前安排一次煙霧殺蟲劑,大範圍殺滅害蟲,如果嫌唔夠徹底,大家亦可找專業滅蟲公司幫忙。

Image from: static.appledaily.hk/images/next-photos/EasyFinder/1228/640pixfolder/Y1228_001_1.jpg
徹底消毒家具

如果將舊屋傢俬搬去新屋或者係直接搬入上一手住戶嘅單位,建議用1:99漂白水稀釋後,徹底將傢俬消毒一次,以防殘留各種細菌、病毒、霉菌等,萬一上手住戶攜帶傳染病就可大可小。

希望各位可以順利入伙,住得舒適!如果大家需要額外的貯物空間,歡迎搵城市迷你倉幫手,各位記著追蹤埋城市迷你倉Facebook Page同埋Blog,我地會分享更多最新優惠同埋家居資訊!

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $1,000 運輸!轉倉啦!
+
WhatsApp chat