【家居清潔】介紹各種天然除霉大法!

成日聽人講身體要「袪濕」,其實家居都一樣要「去濕」!如果唔定期保持家居乾爽,屋企牆身、天花板等地方就出現令人討厭嘅小黑點,佢地就係家居剋星「霉菌」!如果置之不理,有機會影響家人身體健康,造成過敏、氣喘、頭痛等症狀,所以大家要學識以下除霉秘訣!

image source: https://www.gowhere.com.hk

擊退霉菌

1. 白醋&檸檬汁

唔想用市面上含有化學成分嘅去霉劑?其實去污都可以好天然!只要準備白醋1杯、檸檬汁1/4杯,將之混合再倒進噴壺之中,待15分鐘,用乾淨抹布抹走餘下霉漬,咁就可以將霉菌去除得一乾二淨!

image source: https://ct.yimg.com

2. 梳打粉

好多人都唔知道梳打粉有咩用途,其實用嚟去除霉菌都好有幫助!只需要取適量梳打粉與水混合,調成糊狀清潔劑,再塗抹在發霉處,用力刷洗就可以去除霉漬。

3. 漂白水

相信唔少人都聽過漂白水去霉法,一般情況下,漂白水與清水嘅比例為1:3,直接用抹在污漬處就可,既可抹去霉菌,仲有埋消毒功效。不過由於氣味強烈,唔建議有BB或者小朋友嘅家庭用,大家可以參考其他方法。

4. 報紙

睇完嘅報紙唔好掉著,佢係天然吸濕器!因為報紙表面上嘅油墨有碳嘅成分,能夠吸濕防潮,當濕氣減少,滋生細菌嘅媒介消失,霉菌就唔會咁易出現。

image source: http://www.beagazine.com.hk

去除霉味

回南天氣洗衫,衣服點晾都唔乾,唔少家庭仲會出動埋抽濕機、冷氣機!不過最慘就係晾乾完有陣難聞嘅霉臭味,有時衣櫃和鞋櫃都會有異味,咁應該可以點避免?呢個時候又可以用到白醋同梳打粉!

image source: https://imgs.sundaymore.com

1. 白醋

先把衣服浸泡在清水,並加入兩匙白醋,待20分鐘後沖水,讓醋吸附衣服上的異味。完成這個過程後才把衣服投進洗衣機,咁樣霉味就能夠消除得一乾二淨!

2. 梳打粉

在空的洗衣槽加入清水,再加入約100g蘇打粉,讓洗衣機攪動3-5分鐘,靜待30分鐘後將水放掉,再以一般洗衣程序清洗1次,用洗衣機專用清洗劑都有同樣效果。

image source: http://www.metrodaily.hk

3. 咖啡渣、茶葉渣

一般人都會將沖完嘅咖啡渣或者茶包直接掉棄,其實佢地仲好有用架!將曬乾後的咖啡渣和茶渣放入紗布袋,再放進鞋櫃和衣櫃,除咗可食辟味,仲可以達到抽濕除臭的功效。

image source: https://family.esdlife.com

預防方法

唔想家居出現霉菌,最有效嘅方法就係「防患未然」!特別注意潮濕天氣,只要做多以下幾步,霉菌就唔會咁易找上門!

  • 早晚需關閉窗戶,防止濕氣進入家中
  • 煮食及洗澡時,開啟抽氣扇,防止水蒸氣留在室內
  • 定期擺放吸濕器於家中

大家想自製天然吸濕器,可以睇返【低成本DIY】自製家居好物﹕收納箱、吸濕器、驅蚊袋……仲有更多!

希望以上去濕除霉方法幫到大家!如果大家需要額外的貯物空間,歡迎搵城市迷你倉幫手!各位記著follow城市迷你倉Facebook Page同埋Blog,我地會分享更多最新優惠同埋家居資訊!

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $800 運輸!轉倉啦!
+
WhatsApp chat