【居家必備】4個實用收納App 推介!

喺呢個科技發達嘅年代,每個人都有一部智能電話。除咗用嚟上網、玩facebook、煲劇之外,其實仲有好多apps都好有用!小編為你推介4個超實用免費apps,幫你養成收拾整理嘅好習慣,長期都可以保持屋企清潔!

1. 記過期物品﹕Tell Me When Expiry 


女士們唔知唔覺就買落愈來愈多護膚品、化妝品,好多時未用完就已經過期,結果只能扔棄。又有無試過要用到護照、駕照、簽證等先發現過咗有效期?實在係幾麻煩!唔想再係咁,大家可以用「Tell Me When Expiry」幫手記住!

呢個app可以幫你記低各類日用品嘅過期日,輸入資料後就會喺適當時候收到過期通知!不過大家要記得開啟「Reminder」,可以自己較 「過期前一星期」、「過期前兩星期」或者「當天」收到過期通知,咁就可以有效掉棄屋企過期無用嘅物品啦!

Image source: App Store

立即下載﹕IOS用戶

2. 記錄物品位置﹕我收納


大頭蝦嘅你係咪成日唔記得自己嘅嘢放邊?特別係一啲季節性物品,隔咗成年都唔太記得擺咗喺邊。搵勻成間屋都搵唔到,喺放棄之際又會自己出現!但浪費咗唔少時間之餘,仲摷到成屋國咁亂,又要花時間再執過。

小編推薦各位大頭蝦使用「我收納」!幫屋企各個房間所存放嘅東西做記錄,仲有影像辨識功能,等你記得返放咗喺邊!唔洗再花時間左搵右搵,只需開個應用程式,幾秒就可以搵到自己所需物品,既快捷又方便!

Image Source: App Store

立即下載﹕IOS用戶

3. 清理家中無用物品﹕Get Rid of It


相信唔少人都試過執執下屋半途而廢,剩低嘅物品求其放埋一邊就算,又或者曾經有執屋、清理雜物嘅念頭,但最後都打消咗。點樣可以持之以恆?就係靠你每日都機不離手嘅電話幫你啦!

Get Rid of It 呢個應用程式紀錄你每天需要掉嘅嘢,整個挑戰為期30日,仲有唔少整理貼士分享添!你更可以將每日進度上載社交平台,影響自己之餘,仲可以鼓勵身邊朋友加入執屋行列,從此執屋變得更有趣!

Image source: App Store

立即下載﹕IOS用戶 / Android 用戶

4. 分配家務﹕OurHome – chores and rewards


定期整理家中物品係每個家庭成員嘅責任,而呢個習慣應該從小培養!如果家中有小朋友的話,父母不妨下載應用程式OurHome – chores and rewards,透過獎勵制度而鼓勵孩子養成收拾整理嘅好習慣。

呢個應用程式會記錄孩子需要完成的家務,例如將房間收拾得整齊、開學前掉棄多餘物品以迎接新學年等,完成每一金任務後孩子會得到指定分數,累積足夠分數便可獲得獎賞。相信呢個方法可以令大人和孩子們同心協力,一齊保持家中整潔!

Image source: App Store

立即下載﹕IOS用戶 / Android 用戶

希望以上嘅分享可以幫到大家!如果各位在居家收納時遇到任何問題,例如家中空間不足、搬屋裝潢需要暫時存放傢私,歡迎大家搵城市迷你倉幫手,而家做緊唔同優惠,想了解更多詳情可瀏覽官網﹕https://www.metrostorage.com.hk/

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $800 運輸!轉倉啦!
+
WhatsApp chat