【整理收納】化妝品收納法寶,買得多都有位放 (文末附淘寶連結!)

好多女仔總係敵唔過化妝品嘅引誘,一見特價、一出新品對眼就已經「心心眼」,唔知唔覺愈買愈多!結果每次化妝果陣,只可以喺堆積如山嘅化妝品入面左搵右搵。小編今次會同大家分享CP值極高嘅收納神器,每款都只係幾蚊至幾十蚊!想知詳情,大家要繼續睇落去啦!

1. 唇膏收納盒

每個女生究竟會有幾多枝唇膏?答案係數之不盡!朝早趕返工但搵極都搵唔到想要嘅唇膏?唇膏收納盒幫到你!唇膏一支支打直放,想要咩顏色都可以一目了然,慳返唔少左搵右搵嘅時間,係唇膏控必備嘅收納工具!

2. 美妝蛋收納架

唔少女仔都鍾意用美妝蛋或者海棉嚟上粉底,因為妝感會貼薄輕盈好多,睇落唔厚粉,仲比人讚天生好皮膚!不過麻煩之處就係美妝蛋經常都要清洗,又容易發霉,點樣先可以收納好呢?美妝蛋收納架外型趣致,洗完可以放喺架上晾乾,唔洗怕潮濕會發霉啦!

3. 抽屜分隔器

每次用完化妝品,就會隨手掉入去抽屜,久而久之抽屜七國咁亂,想搵返某件化妝品都要花上唔少時間,呢個時候就要善用抽屜分隔器!可以將抽屜劃分成唔同區域,擺放唔同類型嘅化妝品,搵嘅時候就會方便得多!

4. 透明連抽屜收納盒

化妝品唔算特別多嘅女仔,唔想刻意分門別類咁擺,呢款收納盒就啱晒你地!只需一個收納盒可以將大小不一嘅化妝品同埋護膚品放晒入去,而且透明設計所有化妝品都一目了然,有時最怕買完唔記得用 (真係發生過喺小編身上……),係化妝新手必須要有嘅一款!

5. 化妝掃收納箱

有化妝經驗嘅女仔都會知道化妝掃嘅重要!上眼影一枝、畫腮紅要一枝、畫鼻影又要另一枝,化好一個妝至少都要有幾枝「看門口」。不過每枝化妝掃長短不同、有粗有幼,大家可以選擇內有珍珠來固定化妝掃,防止佢地東歪西倒。要妥善保管好化妝掃,掃毛先唔會咁易散開,壽命都長啲!

6. 化妝掃晾曬架

各位女生即使再懶都唔可以省略清洗化妝工具都呢個步驟!試諗吓如果唔定期清潔化妝掃,將積存已久嘅污垢再掃落塊臉,分分鐘會令皮膚愈來愈差,所以每隔一個月就應該洗掃一次。晾衫要有晾衫架,晾掃都要有晾掃架!洗完掃要垂直咁放,先可以徹底將掃晾乾得透徹!

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $800 運輸!轉倉啦!
+
WhatsApp chat