【無痕改造】妙用浴室收納,增加儲物空間!

辛苦工作咗成日,想好地地沖個熱水涼放鬆一下,點知見到浴室7國咁亂,唔單止放鬆唔到,仲好有壓迫感添,而一切都係因為雜物多又唔識收納而致!首要任務係學會收納,重點係唔需要拆牆改建、鑽牆揼釘,就可以輕鬆增加空間,雜物再多都唔怕!

1. 無痕置物架

唔少人屋企嘅浴缸四周都擺滿晒沖涼用品,拎一件就會好容易整跌隔離用品,唔方便又唔就手,而且睇落仲好唔整齊添!

呢個時候就要利用浴缸上方嘅空白牆身,加裝收納架!考慮到沐浴產品都比較重,建議大家可用比較穩固嘅裝置,承托力會更佳。當中小編曾經用過3M浴室系列置物架,承托力非常好,防水之餘又唔會傷到牆身,推薦大家入手!

Image Source: momoshop.com.tw
2. 多掛鉤儲物架

伙地7方放置衣物?放在洗手盤旁邊又怕整濕?相信呢啲情況大家都感同身受!想增加放置衣物嘅空間,建議大家可在門後方加入多掛鉤儲物架,活用門後空間,掛多幾件衣服之餘又唔怕整濕,非常實用!

Image Source: ikea.com
3. 地拖收納架

相信每個家庭都一家有地拖、掃把等清潔工具,就咁放晒喺地下唔太美觀,而且令浴室睇落更凌亂。究竟點樣收納先至方便又整齊?就係用地拖收納架,市面上有夾扣設計嘅收納架,可固定手柄直徑唔同嘅清潔工具,十分方便!

Image Source: hktvmall.com
4. 伸縮式毛巾

沖完涼洗完面都需要用到毛巾,不過用掛鉤嚟晾曬毛巾有機會令毛巾乾得唔夠透徹,所以小編建議大家使用毛巾架。擔心毛巾架好佔位?其實市面上有唔同款式可以選擇,部分提供伸縮的設計,而且吸盤仲可以180度轉,可根據浴室大細調整,就算浴室細都唔怕啦!

Image Source: tmall.com
5. 滾輪窄身櫃

大家可以喺馬桶同洗手盆櫃之間嘅空位擺放窄身櫃,善用呢個狹小位置。可選擇格數多而且夠深,即使趁大減價掃多咗幾枝洗頭水、沖涼液,都仲有位放!而且底部滾輪設計,方便隨時移動櫃子,非常方便。

Image Source: hktvmall.com
6. 分隔儲物盒

相信唔少人為咗棉花棒、牙線、髮夾、梳子等梳洗小物而翻均成個浴室,朝早趕時間出門當然係分秒必爭!小編建議大家用分隔儲物盒,分門別類收納每樣物品,當物品各就各位,再趕時間都唔會有手忙腳亂嘅情況出現,流洗從此變得更從容不迫!

Image Source: tmall.com
7. 置物架

如果有睇開我地收納系列嘅文章,相信都對「善用牆壁」呢招收納方式唔陌生!唔少馬桶上方都係空白牆壁,大家可安置一個層架,置放於馬桶正中,而上方嘅層架就可以騰出更多空間!

Image Source: tmall.com

希望以上浴室收納方法幫到大家,如果大家需要額外的貯物空間,歡迎搵城市迷你倉幫手!各位記著follow城市迷你倉Facebook Page同埋Blog,我地會分享更多最新優惠同埋家居資訊!

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $1,000 運輸!轉倉啦!
+
WhatsApp chat