【無痕改造II】妙用廚房收納,增加儲物空間!

廚房瑣碎雜物多,加上天氣炎熱,大家要妥善收納物品,保持廚房整潔!一唔小心,或會惹來曱甴大軍入侵!今集「無痕改造II」,小編將會劃分唔同區域﹕廚櫃、雪櫃、洗手盤及水槽下方,方便大家逐步收拾整理。

1. 廚櫃

見到亂七八糟嘅廚櫃,唔多唔少會影響煮飯心情之外,重點係曱甴喜歡匿藏於黑暗又雜亂嘅廚櫃之中!唔想浪費時間左搵右搵?唔想廚櫃成為曱甴窩藏之地?大家就要學識收納,保持廚櫃整潔!其中廚櫃主要有以下兩類物品﹕

image source: http://media.zenfs.com/

  • 碗筷

廚櫃總係有一大堆筷子、匙羮、刀叉等餐具,如果唔加以分類,求其放入櫃桶,就容易撈到亂晒,下次搵起上嚟就唔方便,建議大家用櫃桶分隔,方便整齊。

 

  • 烹調用具

烹調用具例如湯煲、鐵鑊等佔用空間較多,而且大小不一,建議放在較深的廚櫃,再分成兩層擺放。下層擺放較大型廚具,上層可擺放調味料,方便烹調時隨手拿得到。

image source: https://www.youtube.com

2. 雪櫃

有無試過打開雪櫃亂到咩都搵唔到?搵到只有一大堆過期食物,仲有陣陣魚腥味。唔想歷史重演,大家就要將食物分門別類,按使用及存放期限程度排列,再放入收納器皿入面,所有食物一目了然,清潔打掃都會方便得多!

image source: http://pic.pimg.tw/

  • 新鮮食材

海鮮、肉類、豆腐等新鮮食材容易變壞,而且屬於濕貨,一旦唔小心就會令雪櫃積存異味,所以大家需要小心存放。建議將同類型食材放置同一格,萬一弄污時清潔起上嚟就更加方便。呢類食材嘅保存期限較短,而且比較常用,建議放在雪櫃外層或中下層嘅位置。

image source: https://s.yimg.com

  • 乾貨食材

中藥海味如紅棗、杞子、瑤柱等呢類食材唔係成日用到,但家中總有一大堆以防不時之需。加上氣味較為強烈,建議放入透明收納箱,貼上標籤,搵起上嚟會更方便。呢類食物保存期限較長,而且少用,建議可放在雪櫃內層或上層。

 

P.S. 建議大家多用層疊式收納盒,疊高擺放,更能充分利用雪櫃空間。

 

3. 洗手盤

洗手盤旁邊位置通常都易被人忽略,其實只需要一個層架,就能將空間加以善用。除咗可以用作瀝乾碗筷之外,仲可以擺放洗潔精、百潔布等瑣碎物品,一物多用,解決廚房空間有限嘅問題。

image source: https://kknews.cc

4. 水槽下方

水槽下方空間唔細,不過周圍都有水管穿插導致空間唔實用。其實市面上有收納工具係根據水槽而設計得比較狹窄或者有彈性,方便大家根據水槽位置而擺放物品。呢個地方相對比較潮濕,建議擺放清潔用品、環保袋等日用品。

image source: https://img.biggo.com.tw

希望今集「無痕收納」幫到大家,以上廚房收納工具唔難搵,一般家品店、12蚊店和淘寶都輕鬆有齊!如果大家需要額外的貯物空間,歡迎搵城市迷你倉幫手!各位記著追蹤埋城市迷你倉Facebook Page同埋Blog,我地會分享更多最新優惠同埋家居資訊!

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $1,000 運輸!轉倉啦!
+
WhatsApp chat