【香港房屋】間格唔實用,收納好頭痛?

每個人都想住宅間隔四四正正,但如果遇到間隔唔實用嘅設計,例如多窗台、鑽石廳、多橫樑,應該點樣解決呢?今集小編將會教大家逐一拆解,用盡每一吋空間!

弊病1﹕多窗台

香港樓窗台多又大,即使只有數百呎嘅蝸居都可以發現到佢地嘅蹤影,簡直係住戶嘅惡夢!究點樣先可以用盡窗台空間,將小空間變得更實用?

image source: http://static.next.nextmedia.com/images/next-photos/NextMag/1310/640pixfolder/I1310_034_5S8A1495.jpg

解決方法1﹕擺放現成傢俬

想活用窗台空間,大家可放置現成窗台傢俬。市面上有唔少儲物檯、工作檯、梳妝檯等等專為窗台而設,可利用窗台小空間化妝、工作和儲物,唔會浪費咗窗台空間,十分實用,絕對係蝸居人士嘅福音。

 

解決方法2﹕改裝衣櫃

如果窗台又大又闊,可以考慮將窗台改裝成衣櫃,以增加衣物收納空間。不過唯一考慮就係要封掉原有窗位,會直接影響室內採光度,而且景觀都會被遮擋,所以大家改裝前要考慮清楚!

 

解決方法3﹕擺放坐墊

唔想窗台有大改動嘅朋友,可於窗台放上坐墊,特別係蝸居嘅活動空間有限,如果家中有客人到訪時就可坐在窗台上,較為簡單又實用嘅改動。

image source: https://media-cdn.tripadvisor.com/media/photo-s/10/01/5b/30/caption.jpg

弊病2鑽石廳結構

八九十年代唔少屋苑為咗遷就海景同埋防止樓望樓而出現咗「鑽石廳」,簡單嚟講就係客廳或者房間其中一幅牆間成斜角。好處係可以望到更好景色,但壞處就係實用性唔高,三尖八角嘅結構極難擺放傢俬。

image source: https://designidk.blob.core.windows.net/resources/admin-images/24/20180205%20The%20NEST-0001.JPG

解決方法1﹕擺放三角位傢俬

鑽石廳其中一端會凸出一個三角位,令梳化同電視機擺放無法達致平衡,好多時住戶都要被逼斜住咁睇電視,長遠嚟講對頸椎都有影響。最常見嘅解決方法就係客廳擺放三角型儲物櫃,可增加收納空間之餘,又可將客廳拉直,變成長方型嘅客廳。

 

解決方法2﹕擺放弧型梳化

面積比較大嘅單位可考慮擺放弧型梳化,修飾鑽石廳格局,將兩幅牆壁平衡過來,填補凸出位置,亦可將飯廳改成開放式設計,令間隔睇落更加寬敞舒適。

image source: https://www.gohome.com.hk/Campaign/ID_Awards_2015/ltd/HS_tc.html

弊病3多橫樑

多結構柱和橫樑會增加屋內壓迫感,亦有相信風水嘅人覺得家中「橫樑壓頂」會引來煞氣。究竟有咩方法可以解決呢?

image source: http://img1.gtimg.com/ln/pics/hv1/182/54/1492/97031252.jpg

解決方法1﹕隱藏橫樑

如果客廳出現橫樑,可加建冷氣機槽將冷氣機同埋整個橫樑隱藏起來;亦可訂造收納櫃與橫樑連成一線,配合橫樑凸出位置,令橫樑感覺不太顯眼。

 

解決方法2﹕加建假天花

可在假天花內置滲光燈槽,營造溫馨和諧的感覺,亦可藉此營造樓底高嘅錯覺。假天花層板嘅闊度亦可設計得比原先橫樑為闊,驟眼看去,猶如特色天花,修飾了橫樑的位置。

image source: https://ps.hket.com/article/1950184/%E6%A9%AB%E6%A8%91%E9%9A%B1%E8%BA%AB%E8%A1%93

希望以上資訊可以幫到大家,我地會定期分享更多家居資訊,記得follow城市迷你倉Facebook Page!屋企物品愈來愈多,想搵地方存放物品?歡迎大家搵城市迷你倉幫手!

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $1,000 運輸!轉倉啦!
+
WhatsApp chat