迷你倉收納法.教你用盡每吋空間!

迷你倉嘅空間寸金尺土,想喺有限嘅地方放到最多嘢?咁就要學識以下貼士,幫你用盡迷你倉每吋空間,慳得一蚊得一蚊!

貼士一:量度清楚迷你倉尺寸

租倉前,小編建議大家最好親身到迷你倉量度尺寸,因為部分迷你倉尺寸係用建築面積而唔係實用面積,所以大家要用實際面積嚟計算迷你倉係咪夠位放置所需物品。咁就唔洗驚租咗面積過細或者過大嘅迷你倉!如果租完先發現唔適合而換倉,除咗要比額外手續費,仲要花時間換倉,真係得不償失。

貼士二:拆開大型傢俱

唔少人都會將大型傢俱存放喺迷你倉,點樣可以更加善用空間?就係將部份傢俱拆件!例如拆下書櫃層架、將飯枱桌腳拆除等,都可以方便提取之餘亦可減少不必要嘅收納空間。

貼士三:善用工具(層架及透明膠箱)

將物品擺放迷你倉後,通常都會堆積如山,好似玩「層層疊」,每次拎嘢都要好小心,怕整冧上面嘅物品。唔想咁麻煩?小編建議大家善用層架!較重或較常用可以放喺最底層,較輕或唔常用可以放喺比較高嘅位置,不過記住唔好忽略層架頂層嘅空間!

層架頂層空間有好多收納空間,大家可以放取輕便嘅物品,例如紙張、飾品等瑣碎物件,千奇唔好放一啲比較重嘅物品喺頂層嘅空間,以免拎嘅時候發生意外。另一個貼士就係好好利用透明膠箱,將同類型物件收納喺同一個膠箱,然後貼上標籤,咁樣搵嘅時候就可以更慳時間,唔洗喺狹小嘅空間左搵右搵,非常方便!

希望以上嘅貼士可以幫到大家啦!想物品獲得適當保障,大家要記得要選用合資格嘅迷你倉呀!城市迷你倉保證所有分店都 100% 符合地契條款,而所有新分店都緊貼最新消防條例及要求,保證合規合格,詳情可瀏覽﹕https://www.metrostorage.com.hk/

分享

歡迎查詢或預約參觀,請致電 +852 6888-9008

立即聯絡我們

【轉倉專屬優惠】依家轉黎安全可靠既城市迷你倉更送您 $800 運輸!轉倉啦!
+
WhatsApp chat